ગુજકેટ (ગુજરાત સામાન્ય પ્રવેશ પરીક્ષા) એ એન્જિનિયરિંગ અને ફાર્મસી અભ્યાસક્રમોમાં પ્રવેશ મેળવવા ઇચ્છતા ઉમેદવારો માટેની વાર્ષિક પ્રવેશ પરીક્ષા છે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (જીએસએચએસઇબી) દ્વારા પરીક્ષાની દેખરેખ રાખવામાં આવે છે. તેમ છતાં, પ્રવેશ અને પરામર્શ પ્રક્રિયા વ્યવસાયિક અભ્યાસક્રમો માટેની પ્રવેશ સમિતિ (એસીપીસી) દ્વારા હાથ ધરવામાં આવે છે.
આ પરીક્ષાનો અભ્યાસક્રમ શિક્ષણ વિભાગના એચએસસી (વિજ્ઞાન) પ્રવાહ (વર્ગ 12) માટેના અભ્યાસક્રમમાં આધારિત છે.
ગુજકેટ માટે પરીક્ષા માળખું :
ગુજરાત કોમન એન્ટરન્સ ટેસ્ટ માટે નીચે મુજબના વિષયોના બહુવિકલ્પ પ્રકારના હેતુલક્ષી પ્રશ્નપત્રો રહેશે અને તેની સામે દર્શાવેલ પ્રશ્નો, ગુણ અને સમય રહેશે .
વિષય પ્રશ્નો ગુણ
ભૌતિકવિજ્ઞાન 40 40
રસાયણશાસ્ત્ર 40 40
જીવવિજ્ઞાન / ગણિત 40 40
કુલ સમય - 180 મિનિટ
ગુજકેટ માટેના પ્રશ્નપત્રોનું સ્વરૂપ :
બહુવિકલ્પ પ્રકારનું હેતુલક્ષી (MCQ) પ્રશ્નપત્ર રહેશે, જવાબમાં ચાર વિકલ્પો આપવામાં આવશે, જેમાંથી એક વિકલ્પ સાચો હશે.
મૂલ્યાંકન પદ્ધતિ :
ઉત્તરપત્રિકા OMR સિદ્ધાંત આધારે ચકાસણી કરવામાં આવશે. કમ્પ્યુટર દ્વારા પ્રત્યુત્તરનું વાંચન કરી ગુણાંકન આપવામાં આવશે.
1. દરેક હેતુલક્ષી પ્રશ્નોનો ગુણભાર 01 છે. પ્રત્યેક સાચા જવાબ માટે 01 ગુણ આપવામાં આવશે.
2. એક હેતુલક્ષી પ્રશ્નનો ખોટો જવાબ આપેલ હોય તો 0.25 ગુણ ઓછા કરવામાં આવશે.
3. એક જ હેતુલક્ષી પ્રશ્નના ચાર વિકલ્પો પૈકી વિદ્યાર્થીએ બે કે તેથી વધુ વિકલ્પો ઉપર નિશાની કરેલ હશે તો 01 ગુણ ઓછો કરવામાં આવશે.
4. ઉમેદવાર સાચા પ્રત્યુત્તર માટે પોતે ચોક્કસ ન હોય તો સલાહ છે કે તેઓએ તેવા હેતુલક્ષી પ્રશ્નનો પ્રત્યુત્તર આપવનું ટાળવું કે જેથી ગુણ ઓછા થાય નહીં.
5. ઉત્તરપત્રિકામાં બે જગ્યાએ પ્રશ્નપુસ્તિકાનો પ્રકાર (A, B, C, D) પ્રિન્ટ કરેલ હશે. તેમ જ ઉમેદવારે પ્રશ્નપુસ્તિકામા ઉપર પ્રિન્ટ થયેલ પ્રકાર (A, B, C, D) ચેક કરીને ઉત્તરપત્રિકા, પત્રક - 01, પ્રવેશપત્રમાં વિગતો ભરીને સહી આપેલ છે. તેથી મૂલ્યાંકન માટે ઉત્તરપત્રિકા ઉપર પ્રિન્ટેડ પ્રકાર જ આખરી ગણાશે.
જીવવિજ્ઞાન:
- સજીવ વિશ્વમાં વિવિધતા
- પ્રાણીઓમાં રચનાકીય આયોજન
- કોષનું માળખું અને કાર્ય
- વનસ્પતિ દેહધર્મવિદ્યા અને જીવ વિજ્ઞાન
- માનવ દેહધર્મવિદ્યા અને જીવ વિજ્ઞાન
- સજીવોમાં પ્રજનન
- આનુંવંશિકતાનો આણ્વીય આધાર
- જીવવિજ્ઞાન અને માનવ કલ્યાણ
- બાયોટેકનોલોજી: સિદ્ધાંતો અને પ્રક્રિયાઓ
- ઉદવિકાસ